İyulun 12-də Naxçıvan Muxtar Respublikasının Bakı şəhərindəki daimi nümayəndəliyində böyük dövlət xadimi Heydər Əliyevin Azərbaycanda siyasi hakimiyyətə gəlişinin 50 illiyinə həsr olunmuş tədbir keçirilib.

Bu barədə NUHÇIXAN-a daimi nümayəndəlikdən məlumat verilib.

Tədbirdə çıxış edən daimi nümayəndəliyin rəhbəri Bəxtiyar Əsgərov dünya şöhrətli dövlət xadimi, siyasi xadim, dahi şəxsiyyət, əbədiyaşar lider Heydər Əliyevin həyat və fəaliyyəti, onun Azərbaycan tarixindəki rolu barədə danışaraq bildirib ki, Azərbaycanın demək olar XX əsrin ikinci yarısından sonrakı inkişafının və ikinci dəfə dövlət müstəqilliyimizin əldə edilməsinin əsası 1969-cu il iyulun 14-də Ulu Öndərin Azərbaycanın rəhbərliyinə gəlişindən sonra qoyulub. Həmin tarixdə siyasi hakimiyyətə gələn dahi şəxsiyyət Heydər Əliyev, sözün həqiqi mənasında, böyük bir xalqın həyatında möhtəşəm dəyişikliyə nail olub, milli, müstəqil dövlətin qurulması üçün zəruri olan bütün işləri görüb, möhkəm təməl yaradıb. 1969-cu ilə qədər keçmiş SSRİ-nin aqrar respublikası kimi tanınan Azərbaycan həmin tarixdən sonra inkişaf etmiş sənaye ölkəsinə, elmi-texniki tərəqqinin geniş şəkildə tətbiq olunduğu, yüksək mədəniyyəti ilə bütün dünyada tanınan bir ölkəyə çevrilib. Bu baxımdan, 1969-cu il iyulun 14-də ulu öndər Heydər Əliyevin Azərbaycana rəhbər seçilməsi ölkəmizin müstəqillik tarixinin, parlaq və işıqlı yolunun başlanğıcı kimi qiymətləndirilir və qiymətləndirilməlidir. Bəlkə elə buna görə bir sıra tanınmış tarixçilər və siyasətçilər haqlı olaraq qeyd edirlər ki, Azərbaycan xalqının XX əsrdəki milli Qurtuluşu, əslində, 1969-cu il iyulun 14-dən başlanır. Çünki həmin tarixdə siyasi hakimiyyətə gələn görkəmli dövlət xadimi Heydər Əliyev, sözün əsl mənasında, xalqımızın həyatında möhtəşəm dəyişikliyə və görünməmiş inkişafa nail oldu. Ulu öndər Heydər Əliyevin özü o dövrü belə xarakterizə edirdi: “Qətiyyətlə bildirmək olar ki, 60-cı illərdə respublika iqtisadiyyatı bütövlükdə dərin və uzunmüddətli böhran mərhələsinə qədəm qoymuşdur. Yaranmış ağır vəziyyətdən çıxış yolu tapılmalı, iqtisadiyyatın inkişafı üçün prinsipial cəhətdən yeni konseptual yanaşma yolları işlənib hazırlanmalı, xalq təsərrüfatında köklü struktur dəyişiklikləri aparılmalı, təsərrüfatçılıq və iqtisadi həvəsləndirmə işində təzə metodlar tətbiq edilməli idi”.

Bəxtiyar Əsgərov xatırladıb ki; “tarix hər şeyi olduğu kimi özündə yaşadır və bu, bir həqiqətdir ki, 1969-cu ildə Heydər Əliyev rəhbər seçiləndə Azərbaycan, doğrudan da ozamankı SSRİ-nin ən geridə qalmış respublikalarından idi. 1971-ci ildə isə Azərbaycan inkişafının sürətinə görə keçmiş SSRİ-də ən qabaqcıl respublikaya çevrildi. Əlbəttə, sosial-mənəvi-psixoloji mühiti, insana münasibəti dəyişmədən, insanların cəmiyyətə, ölkəyə və siyasi rəhbərliyə münasibətini dəyişmədən heç vaxt dinamik inkişafı təmin etmək mümkün deyil. Ona görə də 50 il bundan əvvəl Heydər Əliyev Azərbaycana rəhbər seçilərkən, qarşıda başlıca vəzifə kimi, ilk növbədə, Azərbaycan xalqının mənəvi dəyərlərinin, ölkənin sosial-mənəvi-psixoloji mühitinin ciddi şəkildə dəyişdirilməsi, insanlarda sabaha inam hissinin aşılanması, gələcəkdə müstəqil dövlət quruculuğu yolunda atılacaq addımlar, davamlı kadr islahatlarının aparılması, ölkənin sənayeləşdirilməsi, elmin, təhsilin, mədəniyyətin yüksəldilməsi, kənd təsərrüfatının real sahələrinə diqqətin artırılması və s. kimi əhəmiyyətli məsələlər qarşıda dururdu. Tam məsuliyyətlə qeyd etmək olar ki, ulu öndər Heydər Əliyev - hələ keçmiş Sovetlər İttifaqı dövründə cavan, qətiyyətli və enerjili lider sadalanan vəzifələrin öhdəsindən ləyaqətlə və layiqincə gəldi.

Azərbaycan 1990-cı illərin əvvəllərində hamıya məlum olan daxili xaos, anarxiya, vətəndaş qarşıdurması, bir sözlə, fəlakət, uçurum qarşısında olanda yenə də xalqımızın tarixi çağırışına səs verən böyük şəxsiyyət, dünya şöhrətli siyasi xadim Heydər Əliyev oldu və o, zamanın məhz onun üzərinə qoyduğu xilaskarlıq missiyasını şərəflə yerinə yetirmiş oldu. Beləliklə, 1969-cu ildə əsası qoyulan yol, müəyyənləşdirilən siyasət bu gün də müstəqil Azərbaycana xidmət edir, ölkəmizi və xalqımızı işıqlı gələcəyə aparır. Ötən 50 ildə dünya tanınmaz dərəcədə çox dəyişib. Sovetlər İttifaqı süquta uğrayıb. Azərbaycan bu gün Heydər Əliyevin düşündüyü kimi, dünyada müstəqil, qüdrətli dövlət kimi öz sözünü deyərək yaşayır və durmadan inkişaf edir. Böyük Heydər Əliyev siyasəti ötən 50 il ərzində Azərbaycanın simasını kökündən dəyişib və hazırda bu siyasi kurs Ulu Öndərin layiqli varisi Prezident İlham Əliyev tərəfindən ləyaqətlə, uğurla davam və inkişaf etdirilir. Artıq 1970-ci illərdə Azərbaycan Heydər Əliyevin rəhbərliyi ilə Sovetlər Birliyinin ən dinamik inkişaf edən respublikası adını qazanmışdırsa, bu gün məmnunluq hissi ilə deyə bilərik ki, məhz Heydər Əliyevin memarı və qurucusu olduğu müasir müstəqil Azərbaycan dövləti bütün dünyada iqtisadiyyatı güclü olan, böyük sürətlə inkişaf edən, daxili sabitliyə, regional gücə, aparıcı rola malik müstəqil dövlət kimi öz sözünü deyir. Bu, onu göstərir ki, vaxtilə Heydər Əliyevin müəyyənləşdirdiyi düzgün siyasət, ideoloji xətt, inşa edilmiş yol, ideoloji çərçivələrdə əhəmiyyətli dəyişikliklərin baş verməsinə baxmayaraq, xalqımıza, Vətənimizə xidmət edib və bu gün də xidmət etməkdədir”.

“1969-cu ildən başlanan kompleks inkişaf dinamikası bütün Azərbaycanda olduğu kimi, Naxçıvan Muxtar Respublikasını da öz əhatəsinə almışdı. Reallıq budur ki, 1970-ci illərə qədər Naxçıvan Azərbaycanın digər bölgələrinə nisbətən xeyli geridə qalırdı və sənaye məhsulunun artım sürətinə görə keçmiş SSRİ-nin muxtar respublikaları arasında axırıncı sıralarda qərar tuturdu. Ulu Öndərin birbaşa göstərişi və rəhbərliyi ilə hazırlanmış layihələr və verilmiş qərarlar bu geriliyin aradan qaldırılmasında, Naxçıvanın inkişaf yoluna çıxarılmasında mühüm rol oynayıb. Muxtar respublikanın sosial-iqtisadi, mədəni inkişafının təmin edilməsi məqsədilə müvafiq qurumlar qarşısında konkret vəzifələr qoyuldu, onların icra müddəti müəyyənləşdirildi. Aparılan kompleks tədbirlər sayəsində 1970-1982-ci illərdə muxtar respublikanın sənaye potensialı təxminən üç dəfə artdı. Həmin illərdə Araz çayı üzərində iri su anbarı və elektrik stansiyası, habelə 16 iri sənaye müəssisəsi tikilib istifadəyə verildi. Bütün bu genişmiqyaslı quruculuq fəaliyyəti nəticəsində Naxçıvan Muxtar Respublikasında sənaye məhsulunun ümumi həcmi 1985-ci ildə 1970-ci ilə nisbətən 4,6 dəfə artdı.

Ümummilli Liderin o vaxt Naxçıvanın elektrik enerjisinə olan tələbatının ödənilməsi üçün atdığı addımlardan biri də Araz çayının üzərində Su Elektrik Stansiyasının tikilməsi idi ki, bu da muxtar respublikanın gələcək taleyində mühüm rol oynayıb. Təkcə görülən bu işləri sadalamaqla, hələ o zaman nəinki keçmiş Sovetlər İttifaqında bütün dünyada Heydər Əliyevin böyüklüyünü, nəhəngliyini, onun miqyasını ifadə etmək mümkün deyil.

Naxçıvan Muxtar Respublikası Ali Məclisinin Sədri Vasif Talıbov ötən əsrin 70-80-ci illərində Azərbaycanın gələcəyi naminə həyata keçirilən tədbirləri belə xarakterizə edib: “Tarixilik baxımından olduqca qısa bir müddətdə – cəmi 14 il ərzində Azərbaycan ittifaq iqtisadiyyatının xammal və aqrar əlavəsindən müxtəlif sahələrdə hərtərəfli inkişafa qovuşan nəhəng infrastruktur ölkəsinə çevrildi. Bu dövrdə Azərbaycanın gələcək müstəqilliyi üçün atılan addımlar, həyata keçirilən məhsuldar fəaliyyət Heydər Əliyev quruculuq xəttinin fəlsəfəsini təşkil edirdi. Bu da ondan ibarət idi ki, Azərbaycan qısa müddətdə öz tarixi taleyinin sahibi oldu; ölkəmiz başqa müttəfiq respublikaların 50 ilə keçdiyi yolu nəinki 14 ilə qət etdi, hətta bu respublikaları da qabaqlayaraq aqrar-sənaye kompleksinin güclü inkişaf etdiyi lider respublika kimi şöhrət qazandı”.

“1990-cı illərin əvvəllərində Naxçıvan Muxtar Respublikası Ermənistan tərəfindən blokadaya alınarkən, muxtar respublika əhalisi məhz həmin enerji mənbələri hesabına həyat ritmini qoruyub saxlaya bildi. 1990-1993-cü illərdə Azərbaycanla yanaşı, Naxçıvanın da başı üzərini qara buludların aldığı bir vaxtda Ulu Öndər doğma Naxçıvana qayıtdı. Məhz bundan sonra qədim diyarın xilası üçün lazım olan bütün addımlar atıldı. Eyni zamanda, yalnız muxtar respublika üçün deyil, bütün Azərbaycan üçün həyati əhəmiyyət kəsb edən, dövlət quruculuğu prosesində mühüm rol oynayan qərarlar qəbul olundu. 1993-cü ilin yayında ölkədə qardaş qanı töküldüyü və milli dövlətçiliyimizin ikinci dəfə məhvolma təhlükəsi ilə üzləşdiyi bir vaxtda xalq yenidən nicatını Ulu Öndərin hakimiyyətə gəlişində gördü, dahi rəhbəri Naxçıvandan Bakıya dəvət etdi. Vətəninin və xalqının taleyinə biganə qala bilməyən Ümummilli Lider 1993-cü ilin iyun ayında Naxçıvandan Bakıya qayıtdı və bu Qayıdış Azərbaycanın xilası, xalqımızın Qurtuluş tarixinə çevrildi, Azərbaycan qısa aradan sonra 1969-cu ildən başlanan quruculuq yoluna döndü, lakin bu dəfə müstəqil dövlət kimi. Torpaqlarımızın ard-arda işğalının qarşısı alındı, yüksək ruhlu, nizami milli ordu yaradıldı, ölkədə siyasi sabitlik təmin edildi. Ölkəmizin təbii sərvətlərindən səmərəli istifadə edilməsi,1994-cü ildə “Əsrin müqaviləsi”nin imzalanması, vaxtilə çoxlarının əfsanə hesab etdiyi Bakı-Tbilisi-Ceyhan, Bakı-Tbilisi-Ərzurum neft və qaz kəmərlərinin çəkilməsi və istifadəyə verilməsi Azərbaycanda iqtisadiyyatın bütün sahələrinin inkişafına, infrastrukturun yenilənməsinə, yeni iş yerlərinin açılmasına imkan yaratdı. Bu tarixi fürsətdən Naxçıvan Muxtar Respublikası da məharətlə yararlanıb, Prezident İlham Əliyevin və Ali Məclisin Sədri Vasif Talıbovun rəhbərliyi ilə burada ötən dövr ərzində illərdir ki, blokada şəraitində yaşayan muxtar respublikada inqilabi inkişafa nail olunub, xarici iqtisadi-ticari əlaqələr qurulub, böyük sənaye müəssisələri yaradılıb, kənd təsərrüfatı inkişaf etdirilib, iri enerji, yol və su layihələri həyata keçirilib, enerji və ərzaq təhlükəsizliyi tam təmin edilib, əhalinin sosial vəziyyəti yaxşılaşdırılıb, elm, təhsil, səhiyyə, mədəniyyət və turizm sahələri yüksəldilib, vətəndaşlara xidmət sahələri operativləşdirilib, hərbi uğurlara nail olunub, ölkəmizdə fəaliyyət göstərən diplomatik nümayəndəliklərlə qarşılıqlı, səmimi münasibətlər qurulub, insanların rahat, sərbəst yaşamaları üçün ən müxtəlif infrastruktur layihələri icra edilib, inzibati və sosial binalar, kənd mərkəzləri, müasir məktəblər, baxçalar, mədəniyyət ocaqları, təkmənzilli və çoxmənzilli yaşayış sahələri tikilib, nəqliyyat və texnologiya sahələri tamamilə yenilənib, ekoloji layihələr çərçivəsində yüz minlərlə ağac əkilib, hektarlarla ərazilərdə yaşıllıqlar salınıb, şəhərlər və kəndlər arasında fərqlər aradan qaldırılıb, həyatın bütün sahələrində, inkişafa, tərəqqiyə nail olunub. Bir sözlə, böyük Heydər Əliyevin 1969-cu ildən başlanan quruculuq xəttinin ölkəmizin bu qədim diyarında davamı olaraq, Naxçıvan Muxtar Respublikası 1995-ci ildən sonra muxtar respublikanın Ali vəzifəli şəxsi Vasif Talıbovun rəhbərliyi ilə davam etdirilən hərtərəfli inkişaf yolu ilə dünyada söz sahibinə çevrilən müstəqil Azərbaycan dövlətinin daha da güclənməsinə əlavə töhfələr verməkdə davam edir”, - deyə daimi nümayəndəliyin rəhbəri diqqətə çatdırıb.

Bəxtiyar Əsgərov bildirib ki, ulu öndər Heydər Əliyev öz fədakar və vətənpərvər fəaliyyəti ilə adını xalqımızın ictimai-siyasi fikir və dövlətçilik tarixinə qızıl hərflərlə yazıb. Təqdirəlayiq haldır ki, əsası ümummilli liderimiz Heydər Əliyev tərəfindən qoyulmuş və ciddi elmi əsaslara söykənən sosial-iqtisadi strategiya son illərdə onun layiqli davamçısı və varisi Prezident İlham Əliyev tərəfindən uğurla davam və inkişaf etdirilir. Hazırda Azərbaycan bütün sahələrdə çox böyük inkişafa nail olub. Xarici və daxili siyasət aləmində məharətlə öz sözünü deyən, beynəlxalq arenada yüksək nüfuz qazanmış dövlətimizin başçısı İlham Əliyev ölkəmizin daha da qüdrətlənməsi, mənfur düşmənlərimiz tərəfindən işğal edilmiş Dağlıq Qarabağ və onun ətrafındakı torpaqlarımızın geri qaytarılması, yurdundan, yuvasından didərgin düşmüş vətəndaşlarımızın tezliklə öz doğma torpaqlarına dönüşü naminə gecə-gündüz əzmlə çalışır.

Bu gün hərbi, siyasi, sosial-iqtisadi, elmi-mədəni və digər sahələrdə qazanılan, sadalanan, yaxud sadalanmayan bütün nailiyyətlərin başlıca səbəbi böyük siyasətçi və dahi şəxsiyyət Heydər Əliyevin 1969-cu il iyul ayının 14-də Azərbaycana rəhbər seçilməsi ilə birbaşa bağlıdır. Nə qədər ki, müstəqil Azərbaycan dövləti var, Azərbaycan xalqı var, ümummilli lider Heydər Əliyev ürəklərdə daim yaşayacaqdır. Çünki Heydər Əliyev əbədi ömrünü xalqa sevgisi və xalqın sevgisi ilə qazanıb.

Tədbir digər çıxışlarla davam etdirilib.

HÜQUQ GUŞƏSİ

HÜQUQ GÜŞESİ

Bölmənin digər xəbərləri

Geriyə İrəli

Ötən günün mənzərəsi - VİDEO

11-12-2019-12-15 Xəbərlər

Ötən günün mənzərəsi - VİDEO

NUHÇIXAN muxtar respublikamızın ictimai-mədəni, sosial-iqtisadi yeniliklərini tə...

Bəxtiyar Əsgərov Naxçıvan Ali Məclisinə keçiriləcək seçkilərlə bağlı konkret münasibət bildirib

11-12-2019-11-32 Xəbərlər

Bəxtiyar Əsgərov Naxçıvan Ali Məclisinə keçiriləcək seçkilərlə bağlı konkret münasibət bildirib

NUHÇIXAN xəbər verir ki, Naxçıvan Muxtar Respublikasının Bakı şəhərindəki daimi ...

“Naxçıvan Dövlət Tarix Muzeyi – 95” adlı tanıtım kitabı işıq üzü görüb

11-12-2019-10-58 Xəbərlər

“Naxçıvan Dövlət Tarix Muzeyi – 95” adlı tanıtım kitabı işıq üzü görüb

NUHÇIXAN xəbər verir ki, “Naxçıvan Dövlət Tarix Muzeyi – 95” adlı tanıtım kitabı...

Naxçıvan Tibb Kollecinin tələbələri yol hərəkəti qaydaları barədə ətraflı məlumatlandırılıblar

11-12-2019-09-37 Xəbərlər

Naxçıvan Tibb Kollecinin tələbələri yol hərəkəti qaydaları barədə ətraflı məlumatlandırılıblar

Yol hərəkəti qaydalarına əməl edilməsi, onların təbliği istiqamətində ali təhsil...

Naxçıvan Muxtar Respublikası Ali Məclisində görüş

10-12-2019-20-40 Rəsmi

Naxçıvan Muxtar Respublikası Ali Məclisində görüş

NUHÇIXAN xəbər verir ki, dekabrın 10-da Naxçıvan Muxtar Respublikası Ali Məclisi...

Ordubad rayonunda icbari tibbi sığortanın tətbiqi ilə bağlı müşavirə keçirilib

10-12-2019-19-50 Xəbərlər

Ordubad rayonunda icbari tibbi sığortanın tətbiqi ilə bağlı müşavirə keçirilib

NUHÇIXAN xəbər verir ki, dekabrın 10-da Ordubad rayonunda icbari tibbi sığortanı...

Ordubad rayonunda icbari tibbi sığortanın tətbiqinə başlanılıb

10-12-2019-19-20 Rəsmi

Ordubad rayonunda icbari tibbi sığortanın tətbiqinə başlanılıb

Dekabrın 10-da Ordubad rayonunda icbari tibbi sığortanın tətbiqi ilə bağlı tədbi...

Ali Məclisin Sədri Sərəncam imzaladı

10-12-2019-17-14 Rəsmi

Ali Məclisin Sədri Sərəncam imzaladı

Naxçıvan Muxtar Respublikası Ali Məclisinin Sədri Vasif Talıbov dekabrın 10-da O...

Amerikalı ailə: "Naxçıvana gəlmək bizim çoxdankı istəyimiz idi” - VİDEO

10-12-2019-15-36 Xəbərlər

Amerikalı ailə: "Naxçıvana gəlmək bizim çoxdankı istəyimiz idi” - VİDEO

İstər Əlincəqala olsun, istər Duzdağ, istərsə də bir çox tarixi abidələr Naxçıva...

Naxçıvanda sabaha olan hava proqnozu

10-12-2019-12-53 Xəbərlər

Naxçıvanda sabaha olan hava proqnozu

Naxçıvan Muxtar Respublikasında dekabrın 11-nə gözlənilən hava proqnozu açıqlanı...

Ötən günün mənzərəsi - VİDEO

10-12-2019-11-49 Xəbərlər

Ötən günün mənzərəsi - VİDEO

NUHÇIXAN muxtar respublikamızın ictimai-mədəni, sosial-iqtisadi yeniliklərini tə...

Heydər Əliyev muzeyində növbəti açıq dərs

10-12-2019-11-27 Xəbərlər

Heydər Əliyev muzeyində növbəti açıq dərs

NUHÇIXAN xəbər verir ki, Heydər Əliyev Muzeyində “Əbədi yaşar lider” mövzusunda ...

Xüsusi mühafizə olunan təbiət əraziləri diqqətdə saxlanılır

10-12-2019-11-06 Xəbərlər

Xüsusi mühafizə olunan təbiət əraziləri diqqətdə saxlanılır

NUHÇIXAN xəbər verir ki, Naxçıvan Muxtar Respublikası Ekologiya və Təbii Sərvətl...

Nakhchivan news - VİDEO

10-12-2019-10-24 Xəbərlər

Nakhchivan news - VİDEO

Nakhchivan State Television presented weekly news program in English, highlighti...

Ordubadda qanunsuz ov edən şəxslər saxlanılıb

10-12-2019-09-42 Xəbərlər

Ordubadda qanunsuz ov edən şəxslər saxlanılıb

NUHÇIXAN xəbər verir ki, Ordubad Rayon Polis Şöbəsinə daxil olan məlumat əsasınd...

Sənaye məhəllələrinin yaradılması yeni layihələrə yol açır

09-12-2019-19-54 Rəsmi

Sənaye məhəllələrinin yaradılması yeni layihələrə yol açır

Azərbaycan Respublikası Prezidentinin 2019-cu il 13 sentyabr tarixli müvafiq Fər...

Kənddə yeni xidmət mərkəzi fəaliyyətə başlayıb

09-12-2019-19-51 Rəsmi

Kənddə yeni xidmət mərkəzi fəaliyyətə başlayıb

NUHÇIXAN xəbər verir ki, həmin gün Xələc kəndində yeni xidmət mərkəzi istifadəyə...

Yengicə-Xələc-Çomaxtur kənd avtomobil yolu yenidən qurulub

09-12-2019-19-49 Rəsmi

Yengicə-Xələc-Çomaxtur kənd avtomobil yolu yenidən qurulub

Azərbaycan Respublikasının Prezidenti cənab İlham Əliyev deyib: “Yol olan yerdə ...

Xələc Kənd Mərkəzi istifadəyə verilib

09-12-2019-19-45 Rəsmi

Xələc Kənd Mərkəzi istifadəyə verilib

NUHÇIXAN xəbər verir ki, dekabrın 9-da Xələcdə kənd mərkəzinin açılışı olub.

Şərur rayonunun Xələc kəndi müasirliyə qovuşdu

09-12-2019-19-41 Rəsmi

Şərur rayonunun Xələc kəndi müasirliyə qovuşdu

Naxçıvan Muxtar Respublikasında aparılan genişmiqyaslı quruculuq işləri bütün şə...

İstirahətin dəyişməz ünvanı - Ağbulaq - VİDEO

09-12-2019-18-36 Xəbərlər

İstirahətin dəyişməz ünvanı - Ağbulaq - VİDEO

Naxçıvanda ilin istənilən fəslində görməli, füsunkar yerlərdən biri də Ağbulaq İ...

Şərur rayonunun Xələc kəndində yeni sosial obyektlər istifadəyə verilib - VİDEO

09-12-2019-17-54 Xəbərlər

Şərur rayonunun Xələc kəndində yeni sosial obyektlər istifadəyə verilib - VİDEO

Dekabrın 9-da Şərur rayonunun Xələc kəndində yeni sosial obyektlər istifadəyə ve...

Naxçıvan Ali Məclisinə seçkilər keçiriləcək - SƏRƏNCAM

09-12-2019-16-28 Xəbərlər

Naxçıvan Ali Məclisinə seçkilər keçiriləcək - SƏRƏNCAM

Naxçıvan Muxtar Respublikası Ali Məclisinin Sədri Vasif Talıbov dekabrın 9-da Na...

Sələsüzdə mərasim evi istifadəyə verildi

09-12-2019-15-44 Xəbərlər

Sələsüzdə mərasim evi istifadəyə verildi

NUHÇIXAN xəbər verir ki, Şahbuz rayonunun Sələsüz kəndində yeni mərasim evi isti...

Proqnoz tapşırığa 115,7 faiz əməl olunub

09-12-2019-15-24 Xəbərlər

Proqnoz tapşırığa 115,7 faiz əməl olunub

Naxçıvan Muxtar Respublikası Vergilər Nazirliyinin mətbuat xidmətindən NUHÇIXAN-...

Naxçıvanda sabaha olan hava proqnozu

09-12-2019-14-21 Xəbərlər

Naxçıvanda sabaha olan hava proqnozu

Naxçıvan Muxtar Respublikasında dekabrın 13-nə gözlənilən hava proqnozu açıqlanı...

Daimi nümayəndəliyin rəhbəri Tofiq Bakıxanovun müəllif gecəsində iştirak edib

09-12-2019-10-50 Xəbərlər

Daimi nümayəndəliyin rəhbəri Tofiq Bakıxanovun müəllif gecəsində iştirak edib

NUHÇIXAN xəbər verir ki, Bakı şəhərində Naxçıvan Muxtar Respublikası daimi nümay...

Ağbulaq kəndi bir ailənin təəssüratlarında

08-12-2019-18-55 Xəbərlər

Ağbulaq kəndi bir ailənin təəssüratlarında

Ağbulaq bütün fəsillərdə ayrı-ayrı gözəlliyə qərq olur.

Naxçıvanda sabaha olan hava proqnozu

08-12-2019-15-29 Xəbərlər

Naxçıvanda sabaha olan hava proqnozu

Naxçıvan Muxtar Respublikasında dekabrın 9-na gözlənilən hava proqnozu açıqlanıb...

Qədim türk rəsm sənəti-Ebru

08-12-2019-14-40 Xəbərlər

Qədim türk rəsm sənəti-Ebru

Yadımdadır... Babamın bir dostu var idi. Uşaq olduğum üçün hətta adını da unutmu...