Çap
шаблон интернет магазина joomla
Бесплатные шаблоны Joomla

Dünyada sosial şəbəkələrdən istifadə edənlərin sayı  2,8 milyard nəfərə çatıb

Ötən il dünyada sosial şəbəkələrdən istifadə 21 faiz artıb. Bu barədə “We Are Social” və “Hootsuite” şirkətlərinin aktual rəqəmli yeniliklərə həsr olunan birgə tədqiqatında deyilir.

 Naxcivantv.az  “IGate” resursuna istinadən xəbər verir ki, hesabata görə, ötən il internetin qlobal nüfuzetmə səviyyəsi 10 faiz artaraq 3,773 milyard istifadəçi təşkil edib. Bu da Yer kürəsinin ümumi əhalisinin 50 faizinə bərabərdir.

Dünya miqyasında sosial şəbəkə istifadəçilərinin sayında 21 faiz artım qeydə alınmaqla 2,8 milyard nəfərə çatıb. Bununla yanaşı, mobil qurğulardan daxil olan istifadəçilərin sayı illik hesablamada 30 faiz yüksəlib. İstifadəçilərin 91 faizi sosial servislərə smartfon və planşetlərlə daxil olur.

“We Are Social” nümayəndəsi Saymon Kempin sözlərinə görə, statistikadan məlum olub ki, daha sosial şəbəkələri “yeni media” adlandırmağa ehtiyac yoxdur və onlardan mütləq istifadə gündəlik həyata daxil edilməlidir.

Şirkətlərin hesabatı dünyanın 238 ölkəsi üzrə məlumatlara əsaslanaraq hazırlanıb.

Rauf Əliyev

NTVxəbər

www.naxcivantv.az